لندن(نیوز ڈیسک)رات کو میٹھی اور پرسکون نیند سونا تو ہر انسان کی خواہش ہوتی ہے لیکن صبح جاگ کر خوشگوار موڈ اور زیادہ پرسکون کیفیت کیسے حاصل کی جائے اس کا راز ایک سروے میں سامنے آیا ہے جس میں بتایا گیا ہے کہ جو لوگ بیڈ کی بائیں جانب سوکر اٹھتے ہیں وہ نہ صرف زیادہ خوش مزاج ہوتے ہیں۔برطانیہ میں کیے گئے سروے کے مطابق جو لوگ بیڈ کے دائیں جانب سوتے ہیں تو جاگتے وقت ان کے مزاج میں چڑاچڑا پن 7 فیصد ان لوگوں سے زیادہ ہوتا ہے جوبیڈ کی بائیں جانب سوتے ہیں جب کہ دائیں جانب سونے والے دوسرے لوگوں سے 3 فیصد زیادہ اپنی ملازمت سے ناخوش ہوتے ہیں۔ سروے میں ایک اور دلچسپ بات سامنے آئی کہ بیڈ کی بائیں جانب سونے والے دائیں جانب سونے والوں سے 9.5 فیصد زیادہ خوش شکل بھی ہوتے ہیں۔ماہرین کا کہنا ہے کہ اس بات پر 2011 میں کیے گئے سروے میں بھی بیڈ کے دائیں اور بائیں جانب کے سونے کے اثرات پر یہی نتائج سامنے ا?ئے تھے جب کہ امریکا میں کیے گئے ایک اور سروے میں کہا گیا ہے کہ 40 فیصد امریکی اپنی مرضی سے منتخب کردہ بیڈ کی سائیڈ پر سوتے ہیں اور اگر وہ اپنی عادت کے خلاف سوئیں تو وہ اگلی صبح اچھے موڈ کے ساتھ نہیں اٹھتے۔