لندن،اسلام آباد (نیوز ڈیسک) عمران خان سے علیحدگی کے بعد ریحام خان نے پہلی مرتبہ کسی پاکستانی ٹی وی چینل کو انٹرویو دیاہے جس میں ا±نہوں نے انکشاف کیاہے کہ جنریشن گیپ بھی دونوں کے درمیان علیحدگی کا باعث بنا،ہمارے گھر میں میاں بیوی کے ’کتوں‘ کی بھی آپس میں نہیں بنی تھی۔ برطانیہ میں موجودسینئر صحافی مبین رشید کو دیئے گئے انٹرویو میں ریحام خان نے بتایاکہ عمران خان کو پرانے ماڈل کا بلیک بیری جبکہ ا±نہیں آئی فون 6پسند ہے ، ایک کتاوہ اپنے ساتھ لائی تھیں جبکہ ایک خان صاحب کے گھر میں پہلے ہی موجود تھا، وہ دونوں بھی آپس میں لڑتے رہتے تھے۔ایک سوال کے جواب میں ا±نہوں نے کہاکہ بنی گالہ میں پاکستان تحریک انصاف کی خواتین کا کافی آنا جانا بھی تھا ، ا±نہوں نے سمجھوتہ نہ کرنے کا فیصلہ کیا اور بالآخرعلیحدگی کا سبب بن گیا۔ یہاں یہ امر بھی قابل ذکر ہے کہ سینئر صحافی مبین رشید کو دیئے گئے تین گھنٹوں پر محیط انٹرویو میں ریحام خان نے کئی سنسنی خیز انکشافات کیے گئے ہیں ، مبین رشید اب تک مختلف چینلزپر 1500سے زائد پروگرام کرچکے ہیں اور گزشتہ دوسال سے برطانیہ میں ہی مقیم ہیں۔ دلچسپ بات یہ ہے کہ مارچ 2015ءمیں پہلی انٹرنیشنل لیگل کانفرنس کا انعقاد بھی مبین رشید نے ہی ممکن بنائی اور پھر رواں سال اکتوبر کے آخر میں انٹرنیشنل میڈیا کانفرنس کا میلہ سجایا، ا±نہی کی دعوت پر ریحام خان انگلینڈ آئی تھیںجہاں انہیں طلاق کی افسوس ناک اطلاع ملی۔مبین رشید اردو، صحافت، تاریخ اور سیاسیات میں ماسٹرز رکھنے کے ساتھ لائ گریجوایٹ اور چار کتابوں کے مصنف بھی ہیں۔ ان کی کتابوں میں کالموں کا مجموعہ ”پاکستان زندہ رہے گا“، اگر ایران پر حملہ ہوا اور سفر نامہ شیکسپیئر کے دیس میں خاص طور پر قابل ذکر ہیں