لاہور (نیوز ڈیسک) محکمہ موسمیات نے کہا ہے کہ آئندہ چوبیس گھنٹے کے دوران مالاکنڈ فاٹا گلگت بلتستان اورکشمیر میں ہلکی بارش اورپہاڑوں پربرفباری کا امکان ہے۔محکمہ موسمیات کے مطابق آئندہ چوبیس گھنٹے کے دوران ملک کے بیشتر علاقوں میں موسم خشک رہے گاتاہم مالاکنڈ ڈویڑن، بالائی فاٹا، گلگت بلتستان، کشمیر اوراس سے ملحقہ پہاڑی علاقوں میں چند مقامات پرہلکی بارش اورپہاڑوں پر برفباری کا امکان ہے۔ گزشتہ چوبیس گھنٹے کے دوران ملک کے بیشترعلاقوں میں موسم خشک رہا۔ کم سے کم درجہ حرارت قلات میں منفی پانچ ڈگری سینٹی گریڈ ریکارڈ کیا گیا۔