دبئی (نیوزڈیسک) سابق پاکستانی اوپنر رمیز راجہ نے دبئی میں کرکٹ اکیڈمی قائم کر لی جس کے لئے انہیں سابق سری لنکن بیٹسمین اروندا ڈی سلوا کا تعاون حاصل ہو گا۔ انہوں نے اپنے ادار ے کا نام فیوچر لیجنڈز کرکٹ اکیڈمی رکھا ہے جہاں دبئی اور شارجہ کے نوجوان کھلاڑیوں کی تربیت کی جائے گی ، اکیڈ می آئندہ ماہ دسمبرسے باقاعدہ اپنے کام کا آغاز کر ے گی ۔ اروندا ڈی سلوا کا افتتاحی تقریب میں کہنا تھا کہ رمیز راجہ اور ان میں کافی مشترکہ خصوصیات ہیں اور اس منصوبے کی بدولت چیمپئن کھلاڑی تیار کئے جائیں گے جو آنیوالے وقت میں اپنا لوہا منوا سکیں گے ۔