لاہور (این این آئی)وزیراعلیٰ پنجاب مریم نواز شریف نے سڑکوں پر ڈولفن فورس کی پٹرولنگ کم ہونے کا نوٹس لیتے ہوئے
پولیس افسران سے استفسار کیا ہے کہ ڈولفن فورس کہاں گئی؟ ،سڑکوں پر ڈولفن فورس کی پٹرولنگ کیوں نظر نہیں آ رہی؟۔ پولیس حکام نے بتا یا کہ ڈولفن سکواڈ کی بیشتر موٹر سائیکلیں ناکارہ ہو چکی ہیں،جس کے باعث ڈولفن فورس کی پٹرولنگ متاثر ہو رہی ہے۔وزیراعلیٰ نے ڈولفن فورس کی پٹرولنگ بحال کرنے کے لئے فوری وسائل فراہم کرنے کی ہدایت جاری کرتے ہوئے پنجاب بھر میں ڈولفن فورس کی پٹرولنگ ازسرنو شروع کرنے کا فیصلہ کیا ہے۔
انہوں نے لاہور پولیس کو ترجیحی بنیادوں پر ڈولفن فورس کی موٹر سائیکلیں فراہم کرنے کی ہدایت کی جبکہ آئی جی پولیس کو لاہور میں ڈولفن فورس کی موٹر سائیکلوں کی فراہمی یقینی بنانے کا حکم دیا ہے۔
