اسلام آباد (نیوز ڈیسک)لاہور کے علاقے جوہر ٹاؤن میں ایک بائیک رائیڈر کی جانب سے خاتون کے ساتھ مبینہ نازیبا حرکت کی کوشش کا واقعہ سامنے آیا ہے،

جس پر خاتون نے خود کو بچانے کے لیے چلتی موٹر سائیکل سے چھلانگ لگا دی۔سی سی ٹی وی فوٹیج کے مطابق یہ واقعہ 17 اکتوبر کو پیش آیا، جب مبینہ طور پر ہراسانی سے بچنے کی کوشش میں خاتون نے چلتی بائیک سے چھلانگ لگائی۔ موٹر سائیکل سے گرنے کے نتیجے میں خاتون کے چہرے، ناک، گلے اور سر پر چوٹیں آئیں، جبکہ واقعے کے بعد بائیک رائیڈر موقع سے فرار ہوگیا۔

ذرائع کے مطابق متاثرہ خاتون نے ایف 2 جوہر ٹاؤن سے وٹو پیلس جانے کے لیے بائیک رائیڈ بک کروائی تھی۔ سفر کے دوران پیش آنے والے اس واقعے پر پولیس نے کارروائی کرتے ہوئے مقدمہ درج کرلیا ہے۔پولیس کا کہنا ہے کہ بائیک رائیڈر کے خلاف مقدمہ متاثرہ خاتون کے بھائی کی مدعیت میں درج کیا گیا ہے، جبکہ واقعے سے متعلق مزید کارروائی کی جارہی ہے۔