لاہور(نیوزڈیسک)پاکستانی ماڈل ریچل خان نے آل رائونڈر کرکٹرکی جانب سے بھجوائے جانے والے 50کروڑ روپے ہرجانے کے نوٹس پر حیرت کااظہار کرتے ہوئے کہاکہ عمر اکمل نے پوری زندگی میں اتنے پیسے نہیں کمائے ہوں گے جتنے کا انہوں نے نوٹس بھیجا ہے ۔یاد رہے کہ ماڈل ریچل خان کی جانب سے گزشتہ دونوں عمر اکمل پر الزام لگایا تھا کہ ناروے میں ایک تقریب کے دوران عمراکمل نے ان کیساتھ بدتمیزی کی تھی جس پر انہوں نے قومی کرکٹر کو تھپڑ دے مارا تھا ۔آل رائونڈر کرکٹر نے گزشتہ روز ریچل کے ان الزامات کی تردید کرتے ہوئے انہیں اپنے وکیل کے ذریعے 50کروڑ روپے کے ہرجانے کا نوٹس بھجوایا تھا جس میں کہاگیا کہ ریچل خان نے میری ساکھ اور شہرت کو نقصان پہنچایا ہے جس پر وہ یا تو 15دن میں تحریری معافی مانگیں یا پھر ہرجانہ ادا کریں ۔اب ریچل خان نے عمر اکمل کے خلاف اپنے بیان کو واپس لینے سے انکار کرتے ہوئے ثبوت فراہم کرنے اور ایک ارب رروپے ہرجانے کاجوابی نوٹس بھی بھجوانے کا اعلان کیاہے ۔