لاہو(نیوزڈیسک) حیدر آباد پولیس نے نائٹ کلب واقعے کی تحقیقات کے بعد مڈل آرڈر بلے باز عمر اکمل کو ’’کلین چٹ ‘‘ دے دی ہے ۔ ذرائع کے مطابق 25سالہ عمر اکمل پر الزام لگا تھا کہ انہو ں نے حیدر آباد میں ایک نائٹ پارٹی میں شرکت کرنے کے ساتھ ساتھ قابل اعتراض حرکات کی تھیں جس کے بعد حیدر آباد پولیس نے اس واقعے کی تحقیقات کیں۔ذرائع کے مطابق پولیس نے واقعے کے حوالے سے اپنی رپورٹ سے پی سی بی کو آگا ہ کر دیا ہے جس میں کہا گیا ہے کہ نائٹ کلب واقعے میں عمر اکمل کی شمولیت ثابت نہیں ہوسکی ہے ۔ ذرائع کے مطابق رپورٹس موصول ہونے کے بعد پی سی بی نے عمر اکمل کو انگلینڈ کے خلاف ٹی ٹونٹی سیریز کے لیے ٹیم میں شامل کرنے کا فیصلہ کر لیا ہے جس کا اعلان جلد کر دیا جائے گا۔