اسلام آباد(نیوز ڈیسک ) امریکی ڈاکٹروں نے الکوحل کے علاج کے لیے بنائی گئی ڈرگ سے ایچ آئی وی کا علاج ڈھونڈ لیا۔ ماہرین کا کہنا ہے کہ الکوحل کے علاج کے لیے استعمال ہونے والی دوائی انٹا بیوز ایڈز(ایچ آئی وی) کے ان ایکٹو(خوابیدہ) جراثیموں کو ایکٹیو کر دیتی ہے۔ ماہرین کاکہنا ہے کہ ایچ آئی وی کے مکمل علاج میں ایچ آئی وی کے ان ایکٹو جراثیموں کو ایکٹو کر کے ان پر حملے سے ایڈز کو ختم کیا جا سکتا ہے۔ ماہرین کی رپورٹ کے مطابق امریکہ اور آسٹریلیا میں تیس مریض جو ایڈز کے لیے انٹائیرو وائیرل ڈرگز کا استعمال کر رہے تھے کو انٹا بیوز دی گئی۔ ماہرین کا کہنا ہے کہ انٹا بیوز کے استعمال سے مریضوں کو ایڈز کے جراثیموں کے ایکٹو ہونے پر کوئی نقصان نہیں پہنچا۔ ایک اندازے کے مطابق امریکہ میں 1980 میں ایڈز سے 34 ملین افراد کی موت ہوئی تھی اور پوری دنیا میں 36.9 ملین افراد ایڈز سے متاثر ہیں جبکہ ایڈز سے متاثرہ دو ملین افراد نے علاج کروایا ہے۔ ماہرین کا کہنا ہے کہ ایڈز کے جراثیموں کو ایکٹیو کرنے کے بعد علاج کا عمل ایک موثر طریقہ ہے۔ ان کا کہنا ہے لوگوں کو ایڈز کے جراثیموں کے ایکٹیو ہونے پر پریشان ہونے کی ضرورت نہیں بلکہ یہ طریقہ ایڈز کے وائرس کو جسم سے ہمیشہ کے لیے تلف کرنے میں مدد گار ہے۔