شیخوپورہ(نیوز ڈیسک)شیخوپورہ کی تحصیل شرقپور میں پریزائیڈنگ آفیسرانتخابی سامان اپنے گھر لے گیا ، ریٹرننگ آفسرنے سامان برآمد کرکے پریزائیڈنگ آفیسر کو حوالات بھجوادیا۔شرقپور میں رٹرننگ آفسرنورش صبا کے مطابق یو سی 42 کا پریزائیڈنگ افسر جاوید اقبال انتخابی سامان اپنے گھر لے گیا، جہاں مسلم لیگ ن کا امیدوار برائے چیئرمین بوٹا ڈوگر بھی موجود تھا۔ پولیس نے انتخابی سامان برآمد کرکے پریزائیڈنگ آفیسر جاوید اقبال کو گرفتار کرلیا۔ریٹرننگ آفیسر نے انتخابی ضابطہ اخلاق کی خلاف ورزی پر جاوید اقبال کو 3روز قید اور ایک ہزار روپے جرمانے کی سزاسنادی ، اور عظمت بتول کو نیا پریزائیڈنگ آفیسر تعینات کردیا۔