لندن(نیوز ڈیسک) پاکستان میں لوڈشیڈنگ میں مسلسل اضافہ کے باعث مختلف طریقوں سے صورتحال پر قابو پانے کے راستے نکالنا شروع کر دیئے ہیں اور اب تو موم بتی سے موبائل فون چارج کرنے کا طریقہ بھی دریافت کر لیا گیا ہے. ماہرین نے ایک ایسا تھرمو الیکٹرک جنریٹر بنایا ہے جو بلیک آو¿ٹ کی صورت میں موم بتی سے ڈھائی واٹ بجلی پیدا کرتا ہے، جو ایک موبائل فون کو چارج کرنے کے لیے کافی ہے جب کہ اس سے چھوٹے کیمروں کو بھی بجلی دی جاسکتی ہے۔ برتن نما آلے کے پیندے میں تھرمو الیکٹرک جنریٹر نصب ہے۔ اس میں پانی بھرکرنیچے موم بتی جلائی جاتی ہے اور 6 گھنٹوں میں یہ 2 آئی فونز چارج کرسکتا ہے۔ ماہرین کا کہنا ہے کہ منصوبے کی تکمیل میں ابھی کچھ وقت لگے گا لیکن موم بتی چارجر گھر کے اندر رہتے ہوئے حرارت سے بجلی بناتا ہے اور مستقل بنیادوں پر ہموار چارج فراہم کرتا ہے۔ کمپنی اس کے لیے ایک خاص موم بتی خود فراہم کرتی ہے اور جلد ہی تمام اقسام کی موم بتی سے اسے چارج کرنا ممکن ہوگا۔ اس نظام کی قیمت 41 ڈالر یعنی 4100 پاکستانی روپے کے برابر ہے۔ دوسری جانب یونیورسٹی آف کیلیفورنیا کے طالبعلموں نے ایک ایسی آرام دہ کرسی بنائی ہے جو دائیں بائیں ڈولتی ہے اور اسی حرکت سے توانائی پیدا کرتی ہے، اس کرسی سے موبائل فون بھی چارج کیے جاسکتے ہیں۔ وولٹا نامی اس کرسی کے نیچے ایک پنڈولم ہے جو ایک یوایس بی پورٹ کے ذریعے موبائل فون چارج کرتی ہے۔ ان دریافتوں سے امید ہے کہ سب سے زیادہ فائدہ پاکستانیوں کو ہی ہوگا