انقرہ(آئی این پی) ترکی کے دارلحکومت انقرہ میں داعش کے خودکش حملے میں 4 پولیس ہلکار زخمی ہوگئے، زخمیوں کو قریبی ہسپتال منتقل کر دیا گیا ،ادھر ترک فوج کے ساتھ فائرنگ کے تبادلے مےں داعش کے 4 جنگجو مارے گئے ۔غےر ملکی مےڈےا کے مطابق ترکی کے دارلحکومت انقرہ میں داعش کے خودکش بمبار نے اس وقت خود کو دھماکہ خیز مواد سے اڑایا جب پولیس اہلکار ڈیوٹی پر اپنے فرائض انجام دے رہے تھے، خودکش حملے کے نتیجے میں 4 پولیس اہلکار زخمی ہو گئے ہیں زخمیوں کو فوری طور پر قریبی ہسپتال منتقل کر دیا گیا ہے جہاں 2 اہلکاروں کی حالت تشویشناک بتائی جاتی ہے، واقع کے بعد پولیس کو ہائی الرٹ کر دیا گیا ہے اور دارلحکومت کے تمام حساس مقامات پر سیکیوٹی کی نفری بڑھا دی گئی ہے۔دوسری جانب شامی سرحد پر جہادی تنظیم اسلامک اسٹیٹ کے جنگجووں کی فائرنگ کے جواب میں ترک فوج نے بھی جوابی کارروائی کی۔ فائرنگ کے اِس تبادلے میں چار جہادیوں کو ہلاک کرنے کا بتایا گیا ہے۔ ترک اخبار حریت کے مطابق دو موٹر گاڑیوں میں سوار جہادیوں کو جب ترک بکتر بند گاڑی نے روکنے کی کوشش کی تو اس میں سوار افراد نے فائرنگ شروع کر دی۔ جوابی فائرنگ سے ایک گاڑی میں سوار اسلامک اسٹیٹ کے چار عسکریت پسند مارے گئے۔ دوسری گاڑی میں سوار جہادی فائرنگ کے دوران اپنی موٹرکار لے کر بھاگ گئے۔ ترک سرحد پر واقع شامی علاقے کی ایک بڑی پٹی کو اسلامک اسٹیٹ نے اپنے کنٹرول میں لے رکھا ہے۔