جمعرات‬‮ ، 16 جنوری‬‮ 2025 

مصباح کے دل میں بھارت سے مقابلے کی خواہش موجود

datetime 15  ‬‮نومبر‬‮  2015
ہمارا واٹس ایپ چینل جوائن کریں

لاہور(نیوز ڈیسک ) مصباح الحق کے دل میں بھارت سے مقابلے کی خواہش مچلنے لگی،ٹیسٹ کپتان ریٹائرمنٹ سے قبل روایتی حریف سے سیریزکے خواہاں ہیں۔تفصیلات کے مطابق مصباح الحق نے پاکستانی ٹیم کی قیادت 2010 میں سنبھالی، رواں برس ورلڈکپ کے بعد انھوں نے ون ڈے کرکٹ سے ریٹائرمنٹ کا اعلان کردیا تھا،انگلینڈ کیخلاف یواے ای میں سیریز سے قبل ٹیسٹ کرکٹ بھی چھوڑنے کا عندیہ دیا لیکن چیئرمین پی سی بی شہریار خان تجربہ کار بیٹسمین کو آئندہ سال جولائی میں شروع ہونے والے دورئہ انگلینڈ تک بطور کپتان برقرار دیکھنے کی خواہش رکھتے ہیں،مصباح نے ابھی سوچنے کیلیے وقت لیا ہے۔
ہفتے کو لاہور میں میڈیا سے بات چیت کرتے ہوئے انھوں نے کہا کہ ہر کسی کی طرح میں بھی پاک بھارت سیریز دیکھنا اور کھیلنا چاہتے ہوں، میری خواہش ہے کہ ریٹائر ہونے سے قبل روایتی حریف کے خلاف ایکشن میں نظر آﺅں، جہاں تک کھیل کو خیرباد کہنے کا تعلق ہے تو ابھی کوئی فیصلہ نہیں کیا۔
جب کیا تو پی سی بی کو اس حوالے سے آگاہ کردوں گا۔ انھوں نے کہا کہ اگر میں نے دورئہ انگلینڈ تک ایکشن میں رہنے کا فیصلہ کیا تو وہاں مکمل طور پر تیار ہوکر جاﺅں گا، میری خواہش ہوگی کہ ٹیم بھی میزبان ملک کی کنڈیشنز کے چیلنج کا سامنا کرنے کیلیے بھرپور تیاری کے ساتھ جائے، اس میں کوئی شک نہیں کہ پاکستان کہیں بھی جیتنے کی صلاحیت رکھتا ہے۔
مصباح الحق نے کہاکہ یو اے ای میں جاری سیریز میں انگلینڈ کی واپسی پر حیران نہیں،ان کی ون ڈے ٹیم بہت اچھی اور ہر قسم کی کنڈیشنز میں اچھی کارکردگی دکھانے کی اہلیت رکھتی ہے،مجھے امید ہے کہ پاکستان تیسرے میچ میں بھرپور جوابی حملے سے سیریز میں برتری حاصل کرے گا، ہمارے نوجوان کھلاڑیوں میں ٹیلنٹ کی کمی نہیں لیکن انٹرنیشنل کرکٹ کے تقاضوں پر پورا اترنے کیلیے انھیں زیادہ پختہ سوچ اپنانے کی ضرورت ہے، اسی کے ساتھ فٹنس کا معیار بہتر ہونا خوش آئند ہے۔



کالم



20 جنوری کے بعد


کل صاحب کے ساتھ طویل عرصے بعد ملاقات ہوئی‘ صاحب…

افغانستان کے حالات

آپ اگر ہزار سال پیچھے چلے جائیں تو سنٹرل ایشیا…

پہلے درویش کا قصہ

پہلا درویش سیدھا ہوا اور بولا ’’میں دفتر میں…

آپ افغانوں کو خرید نہیں سکتے

پاکستان نے یوسف رضا گیلانی اور جنرل اشفاق پرویز…

صفحہ نمبر 328

باب وڈورڈ دنیا کا مشہور رپورٹر اور مصنف ہے‘ باب…

آہ غرناطہ

غرناطہ انتہائی مصروف سیاحتی شہر ہے‘صرف الحمراء…

غرناطہ میں کرسمس

ہماری 24دسمبر کی صبح سپین کے شہر مالگا کے لیے فلائیٹ…

پیرس کی کرسمس

دنیا کے 21 شہروں میں کرسمس کی تقریبات شان دار طریقے…

صدقہ

وہ 75 سال کے ’’ بابے ‘‘ تھے‘ ان کے 80 فیصد دانت…

کرسمس

رومن دور میں 25 دسمبر کو سورج کے دن (سن ڈے) کے طور…

طفیلی پودے‘ یتیم کیڑے

وہ 965ء میں پیدا ہوا‘ بصرہ علم اور ادب کا گہوارہ…