لندن(نیوز ڈیسک ) خاص طور پر تیار ٹریل پروٹین کو خون کے سفید خلیوں کے ہمراہ جسم میں انجکشن سے داخل کرنے سے وائٹ بلڈ سیلز کو کینسر کے خلاف لڑنے میں مدد ملتی ہے۔ ماہرین کی شائع ہوئی تازہ تحقیق کے مطابق خاص طور پر تیار کیے گئے سیلز لیمف نوڈز کے کینسر کے جراثیموں کو ختم کر دیتے ہیں۔ ماہرین نے میڈیا سے گفتگو کرتے ہوئے کہا کہ انہوں نے لپوسومز( نینو پارٹیکلز ) کو ٹرایل پروٹین کے ساتھ ملا کر قدرتی کلر سیلز کے ساتھ جوڑ دیا ہے اور نئے بننے والے سیلز کو سپر نیچرل کلر سیلز کا نام دیا ہے۔یہ سپر نیچرل کلر سیلز جسم میں داخل ہونے کے بعد وائٹ بلڈ سیلز کے ساتھ جڑ کر کینسر کے خلاف لڑنے میں مدد کرتے ہیں اور مکمل طور پر میٹاسٹیسیز(لمف کا کینسر) کو تلف کر دیتے ہیں۔ماہرین کی رپورٹ کے مطابق کینسر کی چار سٹیجز ہوتی ہیں۔ پہلی سٹیج میں ٹیومر چھوٹا ہوتا ہے اور جسم کے کسی خاص حصے میں بڑھتا ہے۔ دوسری اور تیسری سٹیج میں ٹیومر بڑھتا ہو اور جسم میں پھیلنا شروع ہو جاتا ہے۔ چوتھی سٹیج پر ٹیومر لمف نوڈز سے جسم کے دوسرے اہم اعضا پر حملے شروع کر دیا ہے۔ ماہرین کے بنائے گئے نئے سپر نیچرل کلر سیلز کو 29 سے37 فیصد چھاتی کے کینسر،کلوریکٹل اور پھیپھڑوں کے کینسر کے مریضوں پر آزمایا گیا۔ ماہرین کا کہنا ہے کہ ٹرایل پروٹین کے ساتھ کینسر کے علاج کے اس تجربے میں میٹاسٹیسیز کینسر کے جراثیموں کو ٹرایل پروٹین نے خون میں ختم کر دیا۔ اس تحقیق کے لیے مالی امداد ایک نان پرافٹ ادارے نے کی ہے جس کا مالک 2014 میں کینسر سے مر گیا تھا۔