بیجنگ (نیوز ڈیسک)چین کی سب سے زیادہ موٹی 240کلو گرام (6من )وزنی عورت کا موٹا پا کم کرنے کیلئے اس کے معدے کی بائے پاس سرجری کی گئی۔چینی اخبار کی رپورٹ کے مطابق چین کی سب سے زیادہ موٹی 240کلو گرام وزن کی حامل عورت کا حال ہی میں وزن کم کرنے کیلئے اس کے معدے کی بائے پاس سرجری کی گئی۔چانگک شہر کی رہائشی 31سالہ اس موٹی عورت کا کہناہے کہ موٹاپا کا شکار ہونے کے بعد وہ صحت کے دیگر مسائل کی بھی شکار ہوئیں جس میں صحیح طرح سے سانس لینے میں دشواری بھی شامل ہے۔اس کے علاوہ موٹا پا نے اس کی نفسیات پر بھی منفی اثرات مرتب کیے ہیں۔خود اعتمادی میں کمی کے بعد لوگوں کی عجیب گھورتی نظروں اور چبھتے الفاظوں سے بچنے کیلئے وہ گزشتہ 6سالوں سے گھر سے باہر ہی نہیں نکلتیں۔عورت کا کہناہے کہ میرا موٹا پا کا ذمہ کھانے میں بے اعتدالی ہے۔میں باربی کیو اور بیئر کی بہت شوقین ہوں۔موٹی عورت کا کہناہے کہ وہ ایک ہی نشست میں 100کباب اور 20بوتلیں بیئر کی پی سکتی ہے۔خاتون کاکہناہے کہ مڈل سکول میں داخلے کے وقت اس کا وزن 95کلو گرام تھا جس میں کالج جانے کے وقت تک 150کلوگرام مزید اضافہ ہوا۔اس کا کہناہے کہ سرجری کے تھوڑے عرصے کے بعد ہی میرا وزن تقریباً 5کلو کم ہوا ہے جس کے بعد میں کسی سے بات کرنے کے قابل ہوئی ہوںڈاکٹرز کا کہناہے کہ سرجری کے بعد اب اس کا وزن ہرسال 50کلو گرام تک کم ہوتا رہے گا لیکن وزن میں کمی کیلئے ایک ہی نشست میں بیئر کی 20بوتلوں کے بجائے ان میں کمی کرکے 10بوتلوں تک آنا ہوگا۔واضح رہے کہ چین سب سے زیادہ موٹے افراد کی آبادی کے لحاظ سے امریکہ کے بعد دوسرے نمبر پر ہے۔ایک حالیہ اندازے کے مطابق چین کی 30فیصد آبادی وزن کی زیادتی جبکہ 11فیصد موٹاپے کی شکار ہے۔