اسلام آباد((نیوزڈیسک)کرکٹرکامران اکمل نے کہا ہے کہ ان کا بھائی عمر اکمل بے قصور ہے ٗان پرغیر اخلاقی سرگرمیوں کا الزام درست نہیں،انکوائری سے معاملہ واضح ہوجائے گا۔نجی ٹی وی سے گفتگو کرتے ہوئے کامران اکمل نے کہا کہ ان کی فیملی کا کوئی بھی رکن پاکستان کی بدنامی کا سوچ بھی نہیں سکتا،عمر اکمل پر الزام غلط فہمی کی بنیاد پر لگایا جا رہاہے، کامران اکمل نے دعوی کیا کی پولیس بھی عمر اکمل کے کسی منفی سرگرمیوں میں ملوث ہونے کی تردید کی،کامران اکمل نے بتایا کہ عمراکمل کو اگر شوکاز نوٹس ملا تو وہ ضرور جواب دے گا،وکٹ کیپر بلے باز نے کہا کہ ان کے بھائی کو ٹیم سے ڈراپ ضرور کیا گیا ہے تاہم وہ جلد ٹیم میں واپس آجائے گا۔