اسلام آباد(نیوزڈیسک) وزیرداخلہ چوہدری نثار نے میگا کرپشن کیسز میں ملوث 38 مفرورملزموں کو انٹرپول کے ذریعے پاکستان واپس لانے کی ہدایات جاری کردی ہیں۔ وزیرداخلہ کاکہنا ہے کہ بیرون ملک سے پاکستانی تارکین وطن کی جبری بے دخلی وزارت داخلہ کے این او سی کے بغیر قبول نہیں کی جائے گی۔ این او سی کے بغیر غیر قانونی تارکین وطن کا جہاز پاکستان میں اترنے نہیں دیں گے۔ وزیر داخلہ کی زیر صدارت وزارت داخلہ میں اعلیٰ سطح اجلاس میں ایف آئی اے کی کارکردگی کا جائزہ لیاگیا،اجلاس میں وزارت داخلہ اور ایف آئی اے کے اعلیٰ حکام موجود تھے۔ وزیر داخلہ نے ہدایت کی کہ ایف آئی اے اپنا امیج بہتر بنائے۔ ائر پورٹس پر مسافروں کیلئے آسانیاں فراہم کرے اور عدالتوں میں زیرالتوا 9463 کیسز جلد نمٹانے کیلئے قانونی ٹیم کو موثر بنایا جائے۔ اجلاس میں بتایا گیا کہ کرپشن، ایگزٹ کنٹرول اور امیگریشن کے شعبوں میں ایف آئی اے 2316 کیسز کی تحقیقات کررہی ہیں جس میں کرپشن کے564 ،ایگزٹ کنٹرول کے 479،امیگریشن میں1273 کیسز شامل ہیں۔

عمران خان، ریحام کے معاملے مین صحافیوں پر برس پڑے

مزید پڑھئیے:ریحام خان نے کس طرح پی ٹی آئی کو اپنے ذاتی اور مالی مفاد کے لئے استعمال کیا؟ تہلکہ خیز انکشافات