لاہور(نیوزڈیسک ) پی سی بی ایگزیکٹو کمیٹی کے چیئر مین نجم سیٹھی کا کہنا ہے کہ انہوں نے اپنی چڑیا کو مڈل آرڈر عمر اکمل کے معاملے کا پتہ لگانے بھیجا ہوا ہے۔لاہورمیں میڈیاسے گفتگوکرتے ہوئے نجم سیٹھی کا کہنا تھا کہ عمر اکمل کو خط لکھ کر واقعات کے بارے میں بتانے کا کہا گیا ہے تاہم ابھی ان کی جانب سے کوئی جواب موصول نہیں ہوا ہے۔ سیٹھی کے مطابق انہوں نے ٹیسٹ کرکٹر کی کہانی کا پتہ لگانے کے لیے چڑیا کو بھیجا ہوا ہے اور ایک دو دن تک صورتحال واضح ہوجائے گی۔ نجم سیٹھی کا مزید کہنا تھا کہ بھارت نے ہم سے کرکٹ سیریز کھیلنے کا وعدہ کیا تھا تاہم ابھی ان کی جانب سے کوئی جواب موصول نہیں ہوا ہے۔