اسلام آباد(نیو زڈیسک) عمر اکمل نے ایک بار پھر پاکستان کا نام پوری دنیا میں بدنام کر دیا۔ قائد اعظم ٹرافی میں سوئی سدرن کی نمائندگی کرنے والے عمر اکمل حیدر آباد میں سائٹ ایریا میں پولیس کے چھاپے کے دوران غیر اخلاقی پارٹی سے پکڑے گئے تھے اور اس وقت ان کے ساتھ حیدر آباد ٹیم کے کھلاڑی عظیم گھمن اور ایک نامعلوم کھلاڑی شامل تھے۔ ایس ایس پی حیدر آباد کے مطابق اعلی حکام کی جانب سے ہدایات ملنے کے بعد ان کرکٹرز کو چھوڑ دیا گیاتھا ، ان کا مزید کہنا تھا کہ واقعے کی ایف آئی آر درج کر لی گئی ہے۔