اسلام آباد (نیوز ڈیسک ) انگلینڈ میں ہونے والی ایک تازہ تحقیق کے مطابق ڈائٹ کوک وزن کم کرنے میں معاون ثابت ہوتی ہے۔ لینڈ مارک کے سروے کے مطابق ماہرین کا کہنا ہے کہ کم کیلوریز والے مشروبات جسم میں کم کیلوریز اور وزن کم کرنے میں اہم ہیں۔ ماہرین کا خیال ہے کہ ڈائٹ کوک پینا پانی سے زیادہ مفید ہے۔ برسٹول کی یونیورسٹی اور موٹاپے کی انٹر نیشنل جریدے میں شائع ہوئی رپورٹ کے مطابق مشروبات جن میں کم مقدار میں شوگر ہوںصحت کے لیے مفید ہیں۔ ماہرین اس بات پر تحقیق کر رہے ہیں کہ ڈائٹ ڈرنکس کم شوگر اجزا کے ساتھ جسم کو سلم بناتی ہیں یا صرف بھوک کا احساس کروانے والے ہارمونز کے عمل میں دخل اندازی کرتی ہیں۔ ماہرین کا کہنا ہے کہ شوگر والے مشروبات کو کم شوگر والے مشروبات کے متبادل استعمال کرنا زیادہ فائدہ مند ہے۔ لو انرجی سویٹنرز جن میں اسپارٹیم کوک ڈائٹ میں، سٹیوا سپرائٹ اور کوک لائف میں،اور سکرالوز ڈائٹ پیپسی میں پائے جاتے ہیں۔ ماہرین کا کہنا ہے کہ ان سویٹرنرز کے استعمال سے وزن کم ہونے کے شواہد سامنے آئے ہیں۔ برسٹول یونیورسٹی کے ماہرین کا کہنا ہے کہ انرجی لینے اور اس کے استعمال کی نسبت کو متوازن رکھ کے جسم کے وزن کم کیا جا سکتا ہے۔ ماہرین کا کہنا ہے کہ یہ تحقیق لوگوں کے پوچھے گئے سوال کا جواب ہے کہ کم کیلوریز مشروبات سے وزن کم ہوتا ہے۔ کم کیلوریز مشروبات کے استعمال سے وزن کم ہونا وزانہ لی گئی پروٹین،روغن اور کاربوہائڈریٹس سے لی گئی کیلوریز سے منسلک ہے۔ماہرین کا کہنا ہے کہ کم کیلوریز مشروبات استعمال کر کے لوگ روزانہ 75 سے 514 کیلوریز بچاسکتے ہیں۔ کوک کی 500 ایم ایل کی بوتل 200 کیلوریز مہیا کرتی ہے جبکہ اسی سائز کی ڈائٹ کوک 2 کیلوریز مہیا کرتی ہے۔ ماہرین کا کہنا ہے کہ کم کیلوریز مشروبات وزن کو کنٹرول کرنے کے ساتھ ساتھ دانتوں کی صحت میں مدد گار ہیں۔