بیجنگ(نیوزڈیسک)چین کی زی ٹی ای ٹیلی کام کمپنی کے ساﺅتھ ایشیاءریجن کے سابق صدر لیو پنگ فان 20 کروڑ چینی ین کے خورد برد کے الزام میں چین کی عدالت نے جرم ثابت ہونے پر 12 سال قید کی سزا سنا دی گئی ہے ۔زی ٹی ای پاکستان سمیت 160 ممالک میں نیٹ ورکنگ اور ٹیلی کمیونیکشن آلات فراہم کررہی ہے . میڈیا اطلاعات کے مطابق زی ٹی ای کے سابق صدر لیو پنگ فان پرا لزام تھا کہ انہوںنے برما میں کمرشل پروجیکٹ کے ٹھیکے دوران 200 ملین آر ایم بی کی خورد برد کی کرپشن کا کیس اس وقت سامنے آیا جب 200 ملین آر ایم بی میں سے 70 ملین آر ایم بی( رین منگ بی)اپنی ٹیم کو دئیے تو ایک ٹیم ممبر نے کرپشن کی شفاف تقسیم پر بھانڈا پھوڑ دیا جس پر ملزم کےخلاف کرپشن ثابت ہونے کے بعد چین کی عدالت نے ان کو 12 سال قید کی سزا سنا دی ، اس حوالے سے زی ٹی ای ٹیلی کام کے حکام نے کسی بھی قسم کا تبصرہ کرنے سے انکار کر دیا ۔