اسلام آباد(نیوز دیسک) سپیکر قومی اسمبلی سردار ایاز صادق نے اسمبلی سے خطاب کرتے ہوئے کہا ہے کہ آج ایک نئی تاریخ رقم ہوئی ہے۔جن لوگوں نے مجھ پر اعتماد کیا میں تمام کا شکر گزار ہوں۔ ایک ہی اسمبلی سے دو مرتبہ سپیکر منتخب ہونے کا اعزاز حاصل ہوا۔ انہوں نے کہا ہم مل کر جمہوریت اور آئین کا دفاع کریں گے۔ انہوں نے کہا میں یقین دلاتا ہوں کہ اس پارلیمنٹ سے خوشحالی اور بہتری کے لئے جو کچھ ہو سکا وہ انجام دینے کی کوشش کروں گا۔ مشاورت سے ایوان کو چلانے کی کوشش کروں گا۔ کمیٹی سسٹم میں بہتری لانے کی کوشش کروں گا۔ کشمیر کے مسئلے کو اپنے ایجنڈے میں سرفہرست رکھوں گا۔ انہوں نے کہا جو اصل پاکستان ہے دوسرے ممالک کو دکھائیں گے۔ انہوں نے کہا تمام اراکین پارلیمنٹ میرے دست بازو ہیں۔ انہوں نے کہا ہم وہیں سے سفر شروع کریں گے جہاں سے منقطع ہوا تھا۔ انہوں نے کہا میری کوشش ہو گی اپوزیشن اور حکومتی بنچوں کو انصاف سے چلانے کی کوشش کروں گا۔
مزید پڑھئیے: کیا عمران خان تیسری شادی کرنے والے ہیں ؟ سینئر اینکر کا دلچسپ جواب
مزید پڑھئیے: آسف علی زرداری اگلے اتوار گرفتار ہونے والے ہیں، ایک سینئر اینکر کا انکشاف