نئی دہلی(نیوز ڈیسک) بھارتی میڈیا اور سرکاری ڈیپارٹمنٹس میں اسوقت کھلبلی مچ گئی جب ایک خواجہ سرا مقدمہ جیت کر سب انسپکٹر کے عہدے پرفائز ہوگیا۔بھارٹی میڈیا کے مطابق خواجہ سرا پری تھیکا یاشینی کو دس ماہ قبل محکمہ پولیس میں سب انسپکٹر کے عہدے کیلئے آرڈر جاری کردیے گئے لیکن نام میں فرق کی وجہ سے آرڈر کو عدالت میں چیلنج کردیاگیا ۔ یاشینی کا کہنا ہے کہ میں نے اپنی پولیس کی نوکری کی خاطر دس ماہ کی طویل عدالتی جنگ لڑی ہے ۔ جس کے بعد مجھے اپنی محنت کا پھل ملا ہے ۔ سب انسپکٹر یاشینی نے میڈیا کے سامنے بتایا کہ انہوں نے یہ نوکری میڈیکل ٹیسٹ اورسخت ٹریننک کے بعد حاصل کی ہے تاہم وہ اس کے بعد بھی سخت ذہنی اور جسمانی ٹریننگ کیلئے تیار ہیں ۔