لندن(نیوز ڈیسک)اس بات پر اتفاق ہے کہ اچھی صحت کیلئے اچھی نیند بھی ضروری ہے لیکن اچھی نیند کے لیے سونے کے اوقات کا تعین ایک تحقیق کے نتائج نے کردیا۔ نیند پر تحقیق کرنے والے عالمی شہرت یافتہ سائنسدان شان سٹیون سن کی بات سنی جائے جن کا کہنا ہے کہ انہوں نے ایک جامع تحقیق کے بعد سونے کا بہترین وقت دریافت کرلیا ہے اوربتایا کہ بہترین اور مفید ترین نیند کے لئے ضروری ہے کہ آپ رات 10 بجے سو جائیں اور صبح 6 بجے بےدار ہوں۔ ان کا کہنا ہے کہ انسانی جسم اور ماحول کا تال میل اسی صورت میں بہترین طریقے سے قائم رہ سکتا ہے جب انسان رات 10 سے صبح 6 کے دوران اپنی نیند پوری کرے۔ ان کا کہنا تھا کہ اگرچہ سب کے لئے ان اوقات میں سونا ممکن نہیں لیکن ہمیں کوشش ضرور کرنی چاہیے کہ ہم سونے کے لئے بہترین وقت یعنی 10 بجے سوجائیں