راولپنڈی(نیوز ڈیسک) ایان علی کرنسی اسمگلنگ کیس میں عدالت میں پیش ہوئیں تو ان کے وکیل لطیف کھوسہ نے تفتیشی آفیسر کیخلاف درخواست دائر کردی ۔درخواست میں موقف اختیار کیاگیا ہے کہ کسٹم آفیسر نے ابتدائی رپورٹ میں ردوبدل کیا ہے لہذا ائیر پورٹ پر ماڈل سے برآمد ہونیوالی اشیاءکا فرانزک ٹیسٹ کرایاجائے۔لطیف کھوسہ نے درخواست میں موقف اختیار کیا ہے کہ پہلی ریکوری رپورٹ میں پاسپورٹ کا ذکر نہیں ، تفتیشی آفیسر نے تفتیش مکمل ہونے کے بعد ان میں نئی چیزیں شامل کیں ۔ یاد رہے اس سے قبل ایان علی نے عدالت سے بریت کی درخواست کی تھی جس پر سماعت مکمل کرتے ہوئے عدالت نے اپنا فیصلہ محفوط کرلیاتھا۔ اس سماعت پر فیصلہ سنائے جانے کا امکان تھا تاہم ماڈل کی طرف ایک اور درخواست کی وجہ سے کیس کا فیصلہ مزید التوا ءکا شکار ہوگیا ہے ۔ کیس کی سماعت پندی کی کسٹم عدالت کے جج جسٹس رانا آفتاب احمد خان کررہے ہیں ۔ لطیف کھوسہ بطور وکیل ماڈل کی کیس کی پیروی کررہے ہیں ۔