.اسلام آباد(نیوزڈیسک)کئی ایشیائی ممالک خفیہ دفاعی سودے کرنے میں ملوث ،بھارت اورپاکستان بھی شامل ایشیاء میں کئی ممالک دفاعی اخراجات میں اضافے کے ساتھ اپنی طاقت کو توسیع دے رہے ہیں، خفیہ دفاعی سودے کیے جاتے ہیں اور ان میں احتساب، نگرانی، اور شفافیت کی عدم موجودگی ہے،نیوزی لینڈ سرفہرست ہے، دفاعی کرپشن میں ملوث 6 ممالک ’’بہت زیادہ‘‘ یا اہم خطرے کی درجہ بندی میں رکھے گئے ہیں۔ برطانوی اخبار’’دی میل ‘‘ کے مطابق ایشیا بحر الکاہل خطے کے لئے دفاع میںشفافیت پر انسداد بد عنوانی کے تھنک ٹینک ٹرانسپیرنسی انٹرنیشنل (ٹی آئی) نے اپنی تازہ ترین رپورٹ میں کہا ہے کہ کئی ممالک میں دفاعی سودے شفاف نہیں ، گورنمنٹ ڈیفنس انڈیکس 2015میں سترہ ممالک کی درجہ بندی کی گئی ہے جن میں پاکستان کے علاوہ بھارت اور چین جیسے بڑے ہتھیار درآمد کرنے والے ممالک بھی شامل ہے۔ چھ ممالک کو اس فہرست میں’’بہت زیادہ‘‘ یا اہم خطرے کی درجہ بندی میں رکھا گیا جو دفاعی کرپشن میں ملوث ہیں۔ دفاعی سودوں میں بدعنوانی کے لحاظ سے بھارت کو ڈی درجہ بندی میں رکھا گیا جو انڈیکس میں بلند سطح ہے۔نیوزی لینڈ کئی چیک اور بیلنس کی وجہ سے اس فہرست میں سب سے اوپر ہے جبکہ بھارت آٹھویں پوزیشن پر کھڑا ہے۔اس فہرست میں چین 12ویں،پاکستان 13 ویں اور سری لنکا14ویں درجے پر ہے۔ بنگلا دیش بھارت کے مقابلے میں اس درجہ بندی میں بہتر پوزیشن پر ہے۔انڈیکس میں یہ بات بھی سامنے آئی کہ نیوزی لینڈ، آسٹریلیا، تائیوان، جاپان، سنگاپور اور جنوبی کوریا مضبوط ادارہ جاتی کنٹرول کی وجہ سے فہرست میں بلند درجے پر ہے۔ دفاعی اخراجات میں سب سے زیاد ہ خرچ کرنے والے چین کے30فی صد دفاعی اخراجات خفیہ ہیں۔