لاہور(نیوز ڈیسک ) صوبائی دارالحکومت میں باغبانپورہ کے علاقے میں شوہر نے اولاد نہ ہونے کی رنجش میں بیوی کو چھت سے دھکا دیکر مار ڈالا۔ سسر کی مدعیت میں داماد کے خلاف مقدمہ درج۔ پولیس متوفی کی لاش کو پوسٹمارٹم کے لیے مردہ خانہ منتقل کروا دیا جبکہ شوہر گھر کو تالہ لگا کر فرار ہونے میں کامیاب ہوگیا۔ پولیس کے مطابق ملزم شوہر کو جلد ہی گرفتار کر لیا جائے گا۔ تفصیلات کے مطابق باغبانپورہ کے رہائشی ندیم کی 2سال قبل رانا ٹاﺅن کے رہائشی بشیر احمد کی 20سالہ بیٹی زینب سے 2سال قبل شادی ہوئی۔ وقت گذرنے کے ساتھ ساتھ میاں بیوی میں اولاد نہ ہونے پر تناﺅ شروع ہوگیا۔ اکثر و بیشتر ندیم اپنی بیوی زینب کو ذدوکوپ کرکے تشدد کا نشانہ بناتا اور اسے بانجھ ہونے کا طعنہ دیتے ہوئے اولاد نہ ہونے پر قصور دار ٹھہراتا۔ بدھ اور جمعرات کی شب دونوں میاں بیوی میں شدید تکرار اور مار پیٹ جاری ہوئی جو صبح تک جاری رہی۔ صبح 4بچے کے قریب ملزم ندیم نے اپنی بیوی زینب کو چھت سے دھکا دیکر نیچے گرا دیا اور پھر اسے لے کر سروسز ہسپتال پہنچا دیا۔ جہاں پر اسکی بیوی زخموں کی تاب نہ لاتے ہوئے دم توڑ گئی۔ بیوی کے مرتے ہی ملزم ندیم گھر چھوڑ کر فرار ہوگیا ۔ تھانہ باغبانپورہ پولیس نے ندیم کے سسر بشیر احمد کی مدعیت میں قتل کا نامزد مقدمہ درج کرلیا۔ پولیس کے مطابق ملزم قانون کی گرفت سے زیادہ دیر تک بچ نہیں سکے گا۔ ملزم کو جلد ہی گرفتار کرکے کٹہرے میں کھڑا کردیں گے۔