کولمبو(نیوز ڈیسک) کرکٹ کے عالمی نگراں ادارے (آئی سی سی )کی غلطی کے باعث ویسٹ انڈین بالر مارلن سیموئلز بالنگ ایکشن مشکوک رپورٹ ہونے کے باوجود سری لنکا کیخلاف دوسرے ایک روزہ میچ میں گیند بازی کرتے رہے ۔ آئی سی سی نے اپنی غلطی تسلیم کرتے ہوئے بتایا کہ سیموئلز کے حوالے سے ویسٹ انڈین ٹیم مینجمنٹ کو غلط انفارمیشنز دی گئیں ۔ میجمنٹ کو بتایا گیا تھا کہ مارلن سیموئلز گیند بازی کرسکتے ہیں جس کی وجہ سے انہوں نے ٹیم سلیکٹ کی ۔ آئی سی سی کا کہناتھا کہ آف اسپنر کو مزید گیند بازی کی اجازت نہیں ہوگی اور انہیں پہلے اپنے ایکشن کا غیر جانبدارانہ تجزیہ کرانا ہوگا۔