راولپنڈی ۔۔۔۔ آرمی چیف جنرل راحیل شریف کی زیر صدارت کور کمانڈرز کانفرنس جی ایچ کیو (جنرل ہیڈ کوارٹرز) میں ہو رہی ہے۔کانفرنس میں فوجی عدالتوں کے قیام سمیت اہم پیشہ ورانہ امور پر فیصلے متوقع ہیں۔کور کمانڈرز کانفرنس میں انسداد دہشت گردی کے قومی ایکشن پلان پر غور کیا جائے گا اور فوجی عدالتوں کے قیام کے معاملہ بھی زیر غور ہوگا۔آرمی چیف نے کہا ہے کہ قوم اور مسلح افواج مل کر دہشت گردی کا خاتمہ کریں گے۔آرمی چیف نے کور کمانڈرز کو انسداد دہشت گردی پر اب تک کیے جانے والے فیصلوں پر اعتماد میں لیا۔کانفرنس میں فوجی عدالتوں کے قیام سمیت اہم پیشہ ورانہ امور پر فیصلوں کے ساتھ سرحد کی صورتحال پر بھی تبادلہ خیال کا امکان ہے۔