اسلام آباد(نیوزڈیسک) ثانیہ مرزا اور مارٹینا ہنگس نے ڈبلیو ٹی اے چیمپئن شپ کے فائنل میں جگہ بنا لی۔ انڈو سوئس جوڑی نے سیمی فائنل میں ہائو چنگ چن اور ینگ جان چن کو شکست سے دوچار کیا۔ تفصیلات کے مطابق سنگاپور میں جاری ڈبلیو ٹی اے چیمپئن شپ کے ویمنز ڈبلز مقابلوں کے پہلے سیمی فائنل میں عالمی نمبر ایک جوڑی بھارت کی ثانیہ مرزا اور سوئٹزر لینڈ کی مارٹینا ہنگس نے چائنیز تائپے کی ہائو چنگ چن اور ینگ جان چن کو سٹریٹ سیٹس میں شکست دی اور فائنل کیلئے کوالیفائی کیا۔ ان کی جیت کا سکور 6-4 اور 6-2 رہا۔