کراچی(نیوز ڈیسک)عالمی شہرت یافتہ سابق کرکٹر اور مشہور و معروف سیاستدان عمران خان کی طلاق کا موضوع ان دنوں مقامی اور عالمی میڈیا میں زیرِ بحث ہے لیکن عمران خان اس صورتحال کا سامنا کرنے والے دنیا کے پہلے سیاستدان نہیں۔دنیا بھر کے کئی سیاستدان طلاق کا کڑوا گھونٹ پی چکے ہیں جس میں روسی صدر ولادی میر پیوٹن اور فرانسیسی صدر نکولس سرکوزی سے لے کر جنوبی افریقہ کے آنجہانی صدر اور عظیم انقلابی رہنما نیلسن منڈیلا تک بھی شامل ہیں۔اس کے علاوہ اٹلی کے سابق وزیرِ اعظم، گوئٹے مالا اور یونان کے سابق صدر،پیرو کے البرٹو فیوجیموری اور وینزویلا کے آنجہانی صدر ہیوگو شاویز کا شمار بھی اپنی بیویوں کو طلاق دینے والے سیاستدانوں میں ہوتا ہے۔فرق صرف اتنا سا ہے کہ یہ تمام لیڈر ز اقتدار کا مزہ چکھ چکے ہیں اور طلاق کے وقت اقتدار میں تھے جبکہ عمران خان تاحال وزیر اعظم بننے کی امید لگائے بیٹھے ہیں۔