اسلام آباد (نیوز ڈ یسک) امریکی میڈیا سے گفتگو میں امریکی نائب صدر جے ڈی وینس کا کہنا تھاکہ ہم امریکی عوام کو امریکا ایران مفاہمتی یادداشت کی تفصیلات بتانا چاہتے ہیں۔
انہوں نے کہا کہ قطری اورپاکستانی ثالث کاروں نے معاہدے کا مکمل متن ابھی جاری نہ کرنےکا کہا، معاہدےکی تفصیلات جمعے کو سامنے آجائیں گی، یہ معاہدہ امریکی عوام کے لیے بہت اچھا ہے۔ان کا کہنا تھاکہ ہم ان پر دباؤ ڈال رہے ہیں کہ وہ آج ہی تفصیلات جاری کر دیں، معاہدے میں آبنائے ہرمز کا فوری کُھل جانا شامل ہے، معاہدے میں ایران کی طرف سے دہشت گردی کی فنڈنگ روکنےکی صورت میں ایران کو کچھ فائدے ملنا شامل ہے۔ جے ڈی وینس کے مطابق جوہری ہتھیاروں کا حصول روکنے پر ایران کو عالمی معیشت میں شامل ہونے کا موقع ملے گا، معاہدے میں ایرانی پر معاشی پابندیوں میں نرمی بھی شامل ہے۔
