اسلام آباد /کھجٹ(این این آئی)مری ایکسپریس وے پر کھجٹ کے مقام پر سیاحوں کی وین حادثے کا شکار ہو گئی

جس کے نتیجے میں 10 سیاح جاں بحق اور 13 زخمی ہو گئے، زخمیوں میں بعض کی حالت نازک ہے جس کے باعث ہلاکتوں میں اضافے کاخدشہ ہے ۔ڈپٹی کمشنر مری کے مطابق گاڑی اوور اسپیڈ ہونے کے باعث سائیڈ دیوار سے ٹکرائی جس کے بعد گاڑی کے انجن میں آگ بھڑک اٹھی اور سلائیڈنگ دروازہ بھی لاک ہو گیا۔لاشوں اور زخمی افراد کو قریبی ہسپتال اور پمز ہسپتال منتقل کر دیا گیا ہے۔ڈپٹی کمشنر کے مطابق ریسکیو 1122، موٹر وے پولیس اور محکمہ جنگلات کا عملہ موقع پر موجود ہے۔ترجمان موٹر وے پولیس کے مطابق حادثے کے شکار افراد کا تعلق ایک ہی خاندان سے ہے جو ملتان سے مری جا رہے تھے۔