اسلام آباد (نیوزڈیسک) چین نے پہلی مرتبہ اس بات کا اعتراف کیا ہے کہ گزشتہ برس بھارت اور پاکستان کے درمیان کشیدگی کے دوران اس نے پاکستانی فضائیہ کو تکنیکی معاونت فراہم کی تھی۔
غیر ملکی جریدے کے مطابق چینی انجینئرز نے سرکاری میڈیا سے گفتگو کرتے ہوئے بتایا کہ جنگی صورتحال کے دوران پاکستان کو فنی مدد مہیا کی گئی، جبکہ اسی تنازع میں ایک چینی ساختہ جنگی طیارے نے بھارتی فضائیہ کے فرانسیسی رافیل طیارے کو نشانہ بنایا تھا۔چین کے سرکاری نشریاتی ادارے CCTV نے ایوی ایشن انڈسٹری کارپوریشن آف چائنا (AVIC) سے وابستہ انجینئر ژانگ ہینگ کا انٹرویو نشر کیا، جس میں انہوں نے انکشاف کیا کہ مئی میں ہونے والی چار روزہ پاک بھارت کشیدگی کے دوران انہوں نے تکنیکی سپورٹ فراہم کی۔ژانگ ہینگ اس ادارے سے منسلک ہیں جو چین کے جدید لڑاکا طیاروں اور ڈرون ٹیکنالوجی کی تیاری میں اہم کردار ادا کرتا ہے۔رپورٹس کے مطابق پاکستانی فضائیہ کے زیرِ استعمال چینی ساختہ J-10CE طیاروں میں سے ایک نے اس جھڑپ کے دوران بھارتی رافیل جنگی جہاز کو تباہ کیا تھا۔
یہ واقعہ اس لیے بھی غیر معمولی سمجھا جا رہا ہے کیونکہ پہلی بار کسی چینی ساختہ جنگی طیارے کے ہاتھوں دشمن کا جدید طیارہ گرائے جانے کی خبر سامنے آئی، جبکہ رافیل طیارے کی تباہی کا بھی یہ پہلا دعویٰ تھا۔
