اسلام آباد(نیوز ڈیسک)خیبر پختونخوا حکومت نے 6 مئی کو صوبے بھر میں قلم چھوڑ ہڑتال کرنے کا اعلان کیا ہے۔

اس حوالے سے وزیر اعلیٰ سہیل آفریدی نے وفاق پر صوبے کے ساتھ امتیازی رویہ اختیار کرنے کا الزام عائد کیا ہے۔اپنے بیان میں سہیل آفریدی کا کہنا تھا کہ این ایف سی ایوارڈ، بجلی اور گیس کی فراہمی کے معاملات میں خیبر پختونخوا کے ساتھ جان بوجھ کر ناانصافی کی جا رہی ہے۔انہوں نے مزید کہا کہ عمران خان اور بشریٰ بی بی کو ذاتی معالجین تک رسائی نہیں دی جا رہی، جبکہ بانی پی ٹی آئی کو اہلِ خانہ اور وکلا سے ملاقات کی اجازت نہ دینا غیر انسانی اقدام ہے۔وزیر اعلیٰ نے وکلا برادری سے بھی اپیل کی ہے کہ وہ اس احتجاجی ہڑتال میں بھرپور شرکت کریں۔