لاہور(آن لائن)سیلفی ماسٹر احمد شہزاد انگلینڈ کے خلاف جاری سیریز میں اب تک کوئی ٹیسٹ تو نہیں کھیل سکے۔ اب ان کا ون ڈے اسکواڈ میں بھی جگہ برقرار رکھنا مشکل ہو گیا ہے۔لگتا ہے سیلفی ماسٹر احمد شہزاد کے ستارے گردش میں ہیں۔زمبابوے کے دورے میں احمد شہزاد ٹیم مینجمنٹ کی توقعات پر پورا نہ اتر سکے۔ دو ٹی 20 میچز میں ٹوٹل 24 رنز بنائے۔پہلے اور تیسرے ایک روزہ میچ میں انہوں نے 12 اور 32 رنزکی اننگز کھلی۔ دوسرے ون ڈے میچ میں انہیں ٹیم کا حصہ ہی نہیں بنایا گیا۔ذرائع کا کہنا ہے کہ عمر اکمل کی طرح ٹیم مینجمنٹ کا احمد شہزادپر سے بھی اعتماد اٹھ گیا ہے،اس بات کا امکان ہے کہ انگلینڈ کے خلاف احمد صرف ٹی 20 تک محدود رہیں گے۔