اسلام آباد (نیوزڈیسک)امریکی خبر رساں ادارے ایگزیوس کی ایک رپورٹ میں دعویٰ کیا گیا ہے کہ ایران نے جنگ بندی اور آبنائے ہرمز کو دوبارہ بحال کرنے کے لیے پاکستان کے ذریعے امریکہ کو نئی تجاویز پہنچائی ہیں۔
رپورٹ میں امریکی حکام اور معاملے سے واقف ذرائع کے حوالے سے بتایا گیا ہے کہ تہران نے ممکنہ سمجھوتے کے تحت آبنائے ہرمز کھولنے، ناکہ بندی ختم کرنے اور جوہری تنازع کو اگلے مرحلے تک مؤخر کرنے کی پیشکش کی ہے۔ذرائع کے مطابق امریکی صدر ڈونلڈ ٹرمپ آج اعلیٰ حکام کے ساتھ ایک اہم اجلاس کریں گے، جس میں ایران کی تازہ تجاویز کا جائزہ لیا جائے گا اور آئندہ حکمت عملی پر غور کیا جائے گا۔
