اسلام آباد(نیوز ڈیسک)لیجنڈری آسٹریلیوی لیگ سپنر شین وارن قومی سپنر یاسر شاہ کو اس آرٹ کے گر سکھانے کے لیے شارجہ کرکٹ سٹیڈیم پہنچ گئے ہیں۔ ذرائع کے مطابق عظیم آسٹریلوی لیگ سپنر قومی ٹیم کے سپن کوچ مشتاق احمد اور منیجر انتخاب عالم کے ہمراہ قومی ٹیم کے لیگ سپنر یاسر شاہ کے ساتھ کام کریں گے ، شین وارن پہلے ہی کہہ چکے ہیں کہ یاسر شاہ کے پاس لیگ سپنر کی تمام ورائٹیز موجود ہیں لیکن ان میں صبر کی کمی ہے ،اگر انہوں نے اپنی اس خامی پر قابو پاکر لیا تو وہ انٹر نیشنل کرکٹ میں مزید کامیابیاں حاصل کر سکتے ہیں۔