اسلام آباد (نیوز ڈیسک) اسرائیل کے وزیرِ اعظم نیتن یاہو نے اپنی کابینہ کو ہدایت دی ہے کہ لبنان کے ساتھ براہِ راست بات چیت کا آغاز کیا جائے۔
بین الاقوامی خبر ایجنسی کی رپورٹ کے مطابق نیتن یاہو کا کہنا ہے کہ انہوں نے لبنان کے ساتھ امن مذاکرات شروع کرنے کے لیے باضابطہ طور پر اجازت دے دی ہے۔اپنے بیان میں انہوں نے کہا کہ لبنان کی جانب سے مسلسل براہِ راست مذاکرات کی خواہش ظاہر کیے جانے کے بعد انہوں نے گزشتہ روز کابینہ کو ہدایت کی کہ جلد از جلد بات چیت کا عمل شروع کیا جائے۔نیتن یاہو کے مطابق ان مذاکرات کا بنیادی مقصد حزب اللہ کو غیر مسلح کرنا اور دونوں ممالک کے درمیان پرامن تعلقات کو فروغ دینا ہوگا۔یہ پیش رفت ایسے وقت میں سامنے آئی ہے جب خطے میں کشیدگی برقرار ہے، تاہم اس کے باوجود سفارتی کوششوں میں تیزی دیکھنے میں آ رہی ہے۔
