لاہور( این این آئی)تھیٹر کی معروف اداکارہ دیدار نے اداکارہ ریشم پر گھروں اور زندگیوں کو تباہ کرنے کے سنگین الزامات عائد کر دیئے۔

ایک شو میں گفتگو کرتے ہوئے دیدار نے کہاکہ ریشم ایک بہت اچھی اداکارہ ہیں، وہ منفی کرداروں کو پیش کرنے میں بہترین ہیں ،انہوں نے بہت سے گھر اور زندگیاں تباہ کی ہیں، وہ حقیقی زندگی میں بھی بہت منفی ہیں۔اداکارہ نے مزید کہا کہ میں ان کے کھانے پکانے اور خیرات کے کاموں کے بارے میں جانتی ہوں، مجھے خوف ہے کہ ایک دن وہ انہی کھانوں میں پھنس جائیں گی جو وہ دوسروں کے لیے پکاتی ہیں۔دیدار کے مطابق میرا ریشم کے ساتھ ذاتی تجربہ ہے،وہ ابتدا ء میں میری دوست تھیں اور سالوں تک ہماری دوستی رہی لیکن بعد میں میرا تلخ تجربہ ہوا جس کے بعد میں یہ کہہ رہی ہوں اور ان کے موجودہ دوستوں کو خبردار کر رہی ہوں کہ اپنے آپ کو بچائیں۔