تہران (این این آئی)ایران نے جنگ کے خاتمے کیلئے امریکی مسودہ ملنے کی تصدیق کردی ۔

غیر ملکی میڈیا سے گفتگو میں سینئر ایرانی عہدیدار نے کہا کہ پاکستان نے امریکی تجاویز کا مسودہ تہران کے حوالے کردیا ہے ، مذاکرات کے مقام کا تعین کرنے کیلئے غور جاری ہے۔دوسری جانب پاکستان میں تعینات ایرانی سفیر نے کہا کہ ایران اور امریکا کے درمیان کوئی بات چیت نہیں ہورہی تاہم پاکستان جیسے دوست ممالک مذاکرات کی راہ ہموارکرنے کی کوشش کررہے ہیں، امید ہے یہ کوششیں جنگ کے خاتمے میں مددگارثابت ہوں گی۔