کینبرا (این این آئی)آسٹریلیا نے ایرانی شہریوں کیلئے عارضی سفری پابندیوں کا اعلان کر دیا۔
غیر ملکی میڈیا کے مطابق آسٹریلوی وزیر داخلہ نے کہا کہ یہ اقدام ملک کے امیگریشن نظام کی سالمیت برقرار رکھنے کے لیے اٹھایا گیا ہے۔ انہوں نے کہا کہ موجودہ علاقائی صورتحال اور ایران سے متعلق کشیدگی کے باعث یہ خدشہ پیدا ہو گیا ہے کہ کچھ وزیٹر ویزا ہولڈرز اپنے ویزے کی مدت ختم ہونے کے بعد واپس نہ جا سکیں۔وزیر داخلہ نے کہا کہ یہ پابندی عارضی نوعیت کی ہے اور حالات کا جائزہ لے کر اس پر نظر ثانی کی جائے گی۔انہوں نے کہا کہ حکومت ملک کی سرحدی سکیورٹی اور امیگریشن قوانین پر سختی سے عمل درآمد کو یقینی بنانا چاہتی ہے۔
