اسلام آباد (نیوز ڈیسک) پاکستان کے دارالحکومت میں ٹیکنالوجی کے متوالوں کے لیے بڑی خوشخبری سامنے آئی ہے۔

سوشل میڈیا پر صارفین کی جانب سے دعویٰ کیا جا رہا ہے کہ اسلام آباد کے سیکٹر F-7 میں جیز (Jazz) کی جانب سے 5G سروسز کی ٹیسٹنگ شروع کر دی گئی ہے۔اسلام آباد کے پوش علاقے F-7 میں موجود جیز صارفین نے سوشل میڈیا پر اسکرین شاٹس شیئر کیے ہیں جن میں ان کے موبائل فونز پر ‘5G’ کے سگنلز نظر آ رہے ہیں۔ یہ ممکنہ طور پر جیز کی جانب سے نیٹ ورک اپ گریڈیشن کی ایک آزمائشی مشق (Testing) ہے تاکہ باقاعدہ لانچ سے قبل رفتار اور کوریج کا جائزہ لیا جا سکے۔ ابھی تک جیز (Jazz) کی جانب سے اس حوالے سے کوئی باضابطہ (Official) اعلان سامنے نہیں آیا، تاہم ممکنہ طور پر کمپنی اپنے انفراسٹرکچر کو 5G کے لیے تیار کر رہی ہے۔