اسلام آباد(نیوز ڈیسک)امریکی اخبار نے دعویٰ کیا ہے کہ روس ایران کو امریکی افواج کے خلاف کارروائیوں کے لیے خفیہ معلومات فراہم کر رہا ہے۔

اس خبر کی تصدیق امریکی انٹیلی جنس سے وابستہ تین ذرائع نے بھی کی ہے۔ رپورٹ کے مطابق امریکی دفاعی نظام میں استعمال ہونے والے انٹرسیپٹر میزائل تیزی سے کم ہوتے جا رہے ہیں۔رپورٹ میں بتایا گیا ہے کہ روس مشرقِ وسطیٰ میں موجود امریکی بحری جہازوں اور طیاروں کی پوزیشن سے متعلق معلومات ایران تک پہنچا رہا ہے۔ کہا جا رہا ہے کہ حالیہ عرصے میں ایران کی اپنی انٹیلی جنس صلاحیتوں میں کمی آئی ہے، جس کے باعث وہ بیرونی معلومات پر زیادہ انحصار کر رہا ہے۔واشنگٹن پوسٹ کے مطابق ایران نے بعض امریکی ریڈار تنصیبات اور دیگر فوجی اہداف کو درست نشانہ بنایا ہے۔ رپورٹ میں یہ بھی کہا گیا ہے کہ ایرانی حملوں کا مرکز امریکی کمانڈ اینڈ کنٹرول مراکز بن رہے ہیں، جنہیں چن چن کر نشانہ بنایا جا رہا ہے۔مزید بتایا گیا کہ بعض مواقع پر ایرانی حملے امریکا اور اسرائیل کے دفاعی نظام پر بھی غالب آتے دکھائی دیے۔ رپورٹ کے مطابق گزشتہ سال کے مقابلے میں ایران کے میزائل حملوں کی صلاحیت اور مؤثریت میں واضح بہتری آئی ہے، جبکہ امریکی انٹرسیپٹر میزائلوں کے ذخائر تیزی سے کم ہو رہے ہیں۔

BREAKING: U.S. officials now say that Russia is giving Iran intelligence on the locations of American warships and aircraft, including positions of ships, planes, and radar.

MEANWHILE Trump is now allowing India to import oil from Russia for 30 days because he screwed up so… pic.twitter.com/lb2RYkgxY5

— Brian Krassenstein (@krassenstein) March 6, 2026