روم (این این آئی)اطالوی وزیر اعظم جارجیا میلونی نے اس بات کی تصدیق کی ہے کہ روم ایرانی فضائی حملوں کا مقابلہ کرنے کے لیے
خلیجی ممالک کو فضائی دفاعی امداد بھیجنے کا ارادہ رکھتا ہے۔میلونی نے ایک ریڈیو اسٹیشن پر بات کرتے ہوئے کہا کہ برطانیہ، فرانس اور جرمنی کی طرز پر اٹلی بھی خلیجی ممالک کو دفاعی میدان اور بالخصوص فضائی دفاع میں امداد فراہم کرنے کا ارادہ رکھتا ہے۔انہوں نے مزید کہا کہ یہ محض دوست ممالک ہونے کا معاملہ نہیں ہے بلکہ اس خطے میں دسیوں ہزار اطالوی شہری رہائش پذیر ہیں اور وہاں ہمارے تقریبا دو ہزار فوجی بھی تعینات ہیں، یہ وہ لوگ ہیں جن کی ہم حفاظت کرنا چاہتے ہیں بلکہ ان کا تحفظ ہم پر واجب ہے۔
