اسلام آباد (نیوز ڈیسک) ایرانی میڈیا نے دعویٰ کیا ہے کہ ایران نے امریکا کا ایک ایف-15 لڑاکا طیارہ مار گرایا ہے۔
رپورٹس کے مطابق یہ طیارہ شمالی ایران کے پہاڑی علاقے البرز میں تباہ ہوا۔تاہم امریکی سینٹرل کمانڈ (سینٹ کام) نے اس دعوے کو مسترد کرتے ہوئے کہا ہے کہ ایران میں کسی امریکی ایف-15 طیارے کے گرنے کی خبریں بے بنیاد اور غلط ہیں۔ سینٹ کام کے مطابق اس حوالے سے گردش کرنے والی اطلاعات حقیقت پر مبنی نہیں ہیں۔اس سے قبل ایرانی سرکاری ذرائع نے یہ بھی دعویٰ کیا تھا کہ خلیج فارس میں امریکا کا ایک اہم ریڈار سسٹم ایرانی میزائل حملے کے نتیجے میں تباہ ہو گیا ہے۔ رپورٹ کے مطابق یہ ریڈار پورے مشرق وسطیٰ کی نگرانی کی صلاحیت رکھتا تھا، جس کی رینج تقریباً پانچ ہزار کلومیٹر اور مالیت ایک ارب ڈالر سے زائد بتائی جا رہی ہے۔
دوسری جانب امریکی سینٹرل کمانڈ کا کہنا ہے کہ ایران خطے میں حملوں کے لیے موبائل میزائل لانچرز استعمال کر رہا ہے۔ امریکی فوج کے جاری کردہ بیان میں کہا گیا ہے کہ ایران کی جانب سے میزائل داغ کر خطے میں کشیدگی اور نقصان بڑھانے کی کوشش کی جا رہی ہے، تاہم امریکی افواج ان خطرات کا مقابلہ کر رہی ہیں اور صورتحال پر نظر رکھے ہوئے ہیں۔
BREAKING: IRGC 🇮🇷 claims it shot down a U.S. F-15 fighter jet and destroyed 3 Hermes drones and a MQ-9 drone in western and southwestern Iran.
151 pic.twitter.com/y8DLzrroOI— petergriffin (@MFR4231) March 5, 2026
