انقرہ(این این آئی)ترکیہ کے علاقے باتمان میں رہنے والے ایک خاندان کے لیے سحری کے وقت کچھ مختلف ہی چیز منتظر تھی۔

سحری کے پہلے لمحات میں جب خاندان تیاری کر رہا تھا تو وہ ہوا جس کا کسی نے سوچا بھی نہ تھا۔ خاندان کے سربراہ اور اس کی 18 سالہ بیٹی کے درمیان تلخ کلامی ہوئی، لیکن دیکھتے ہی دیکھتے یہ تلخ کلامی ایک ایسے جرم میں بدل گئی جس کی بھینٹ 45 سالہ والد چڑھ گیا۔ ترک میڈیا کے مطابق بیٹی نے گھر میں موجود ذاتی پستول سے باپ پر گولی چلا دی۔لڑکی نے شدید تلخ کلامی کے بعد اپنے والد پر ذاتی پستول سے گولی چلائی ۔ فائرنگ کی آواز سن کر پڑوسیوں نے سکیورٹی حکام کو اطلاع دی۔

پولیس اور ایمبولینس کی کئی ٹیمیں فوری طور پر جائے وقوع پر پہنچ گئیں ۔ عملے نے مقتول کو بچانے کی کوشش کی لیکن وہ ہسپتال منتقل کیے جانے کے باوجود جانبر نہ ہو سکا۔ پولیس نے فوری طور پر واقعے کی تحقیقات شروع کر دی ہیں۔