اسلام آباد(نیوز ڈیسک ) امریکی فوج نے کویت میں تین ایف-15 جنگی طیاروں کے حادثے کی باضابطہ تصدیق کر دی ہے۔
یہ طیارے ایران کے خلاف کارروائی کے دوران مشن پر تھے جب پیش آنے والے واقعے میں تباہ ہو گئے۔امریکی مرکزی کمان (سینٹکام) کے مطابق اتوار کو امریکی فضائیہ کے تین ایف-15 ای اسٹرائیک ایگل طیارے کویتی فضائی دفاعی نظام کی جانب سے غلطی سے نشانہ بن گئے۔ سوشل میڈیا پلیٹ فارم ایکس پر جاری بیان میں بتایا گیا کہ تمام چھ فضائی اہلکار بروقت طیاروں سے ایجیکٹ کرنے میں کامیاب رہے، انہیں بحفاظت نکال لیا گیا ہے اور ان کی حالت خطرے سے باہر ہے۔
بیان میں مزید کہا گیا کہ کویتی حکام نے اس واقعے کو تسلیم کرتے ہوئے جاری آپریشن میں تعاون فراہم کیا، جس پر امریکی حکام نے ان کا شکریہ ادا کیا ہے۔ واقعے کی وجوہات جاننے کے لیے تحقیقات شروع کر دی گئی ہیں اور مزید تفصیلات دستیاب ہوتے ہی جاری کی جائیں گی۔یاد رہے کہ گزشتہ روز سے سوشل میڈیا پر ایک ویڈیو وائرل تھی جس میں کویت میں ایک امریکی جنگی طیارہ گرتا دکھائی دے رہا تھا۔ اب امریکی حکام نے واضح کیا ہے کہ یہ واقعہ ’’فرینڈلی فائر‘‘ کے باعث پیش آیا، جب کویتی میزائلوں نے غلطی سے اپنے ہی اتحادی طیاروں کو نشانہ بنا لیا۔
At 11:03 p.m. ET, March 1, three U.S. F-15E Strike Eagles flying in support of Operation Epic Fury went down over Kuwait due to an apparent friendly fire incident.
Read more:https://t.co/i2y3Q3vo2E
— U.S. Central Command (@CENTCOM) March 2, 2026
