اسلام آباد (نیوز ڈ یسک) ایران میں سپریم لیڈر کی شہادت کے بعد پیدا ہونے والی صورتحال کے پیشِ نظر ملک کا نظم و نسق سنبھالنے کے لیے
عبوری لیڈرشپ کونسل تشکیل دے دی گئی ہے، جس میں آیت اللہ علی رضا عارفی کو رکن منتخب کر لیا گیا ہے۔ایرانی میڈیا کے مطابق آیت اللہ علی رضا عارفی اس اعلیٰ سطح کی عبوری کونسل میں ایرانی صدر اور عدلیہ کے سربراہ کے ہمراہ فرائض انجام دیں گے۔ یہ کونسل عارضی طور پر ایران کے تمام ریاستی و انتظامی معاملات کی نگرانی کرے گی تاکہ ملک میں قیادت کے خلا کو پُر کیا جا سکے۔ذرائع کا کہنا ہے کہ لیڈرشپ کونسل نئے سپریم لیڈر کے انتخاب تک ملک کی پالیسیوں اور دفاعی امور کی ذمہ دار ہوگی۔خامنہ ای کی شہادت کے بعد ایران نے نئے سپریم کمانڈر کے انتخاب کیلئے عبوری کونسل تشکیل دے دی ہے، عبوری کونسل نئے سپریم لیڈر کے انتخاب تک قیادت کی ذمےداری سنبھالے گی۔عبوری کونسل میں ترقی پسند صدر مسعود پزشکیان اور عدلیہ کے قدامت پرست سربراہ غلام حسین محسنی کو شامل کیا گیا ہے، الجزیرہ کا کہنا ہے ایرانی صدر، عدلیہ کے سربراہ کے ساتھ علی رضا عارفی بطور فقیہ اقتدار منتقلی کی نگرانی کریں گے۔
ایرانی آئین کے آرٹیکل ایک سو گیارہ کے مطابق عبوری کونسل اس وقت تک کام کرتی ہے جب تک اٹھاسی رکنی مجلس خبردگان نئے سپریم لیڈر کا انتخاب نہیں کرلیتی۔ خامنہ ای کے بیٹے مجتبیٰ خامنہ ای، علی لاریجانی اور آیت اللہ غلام حسین محسنی سپریم کمانڈر کے عہدے کے مضبوط امیدوار ہیں۔
