لاہور(نیوزڈیسک) انگلینڈ کے خلاف ون ڈے سیریز کیلئے سلیکشن کمیٹی نے 16کھلاڑیوں کی فہرست ٹیم مینجمنٹ کو بھجوادی تاکہ کپتان اور کوچ اپنی رائے دے سکیں،ٹیم میں یونس خان کا نام بھی شامل ہے۔پاکستان اور انگلینڈ کے درمیان ون ڈے سیریز 11نومبر سے شروع ہو گی،چار میچز کی سیریز کیلئے سلیکشن کمیٹی نے16کھلاڑیوں کا چناﺅ کرلیا ہے اور مشاورت کے لیے فہرست ٹیم مینجمنٹ کو یو اے ای بھجوادی ہے۔ٹیم میں یونس خان کا نام بھی شامل ہے جنہیں ورلڈ کپ کے بعدون ڈے ٹیم سے ڈراپ کر دیا گیا تھا، یونس خان اسد شفیق کی جگہ لیں گے یا صہیب مقصود کی ،اس کا فیصلہ ہونا باقی ہے۔